Կանանց լիդերության դպրոց Արարատում

2014 թվականի հոկտեմբեր-նոյեմբեր ամիսներին “Կանանց քաղաքական լիդերություն. գենդերային հավասարության և մասնակցային ժողովրդավարության զարգացման հեռանկարները Հայաստանում” ծրագրի շրջանակներում Արարատ քաղաքում  անցկացվել է Կանանց լիդերության դպրոց:

Դպրոցն անցկացվել է  Արարատի քաղաքապետարանի աջակցությամբ:

Դպրոցին մասնակցում էին Արարատի տարածաշրջանի 22 ակտիվ կանայք, մանկավարժներ, մասնաճյուղի անդամներ :

Պարապմունքները անցկացրել են փորձագետներ Գայանե Արմաղանովան, Լիլիթ Զաքարյանը, Հովհաննես Հովհաննիսյանը, Անահիտ Խաչատրյանը, Անահիտ Աղոյանը, Նարինե Դավթյանը, Գայանե Մերոյանը, Զինա Հովհաննիսյանը, Գրետա Գրիգորյանը, Մարիաննա Աբովյանը, Արմինա Մելոյանը, Լաուրա Հարությունյանը, Նելլի Բեգլարյանը:

Պարապունքները նվիրված էին քաղաքացիական հասարակությանը, կանանց քաղաքական մասնակցության հիմնախնդիրներին, գենդերին և գենդերային հարաբերություններին, գենդերային կարծրատիպերին, գենդերային վերլուծության նպատակներին ու սկզբունքներին:

Ունկնդիրներին ներկայացվեցին գենդերային հիմնախնդիրներին առնչվող ազգային օրենսդրությունը և միջազգային իրավական փաստաթղթերը:

Գործնական պարապունքների ընթացքում ունկնդիրներին տրվեցին գիտելիքներ հասարակական կազմակերպությունների գործունեության կազմակերպման և պլանավորման վերաբերյալ:

Դպրոցի պարապունքներն անցկացվեցին ինտերակտիվ եղանակով ՝մասնակիցներին հնարավորություն տալով պրակտիկ և արդյունավետ կերպով աշխատել խմբերով և ներկայացնել թեմայի շուրջ իրենց ունեցած տեսակետները: